महिला व विद्यार्थिनींसाठी सुरक्षित, सुलभ आणि सुविधाजनक प्रवासाचा नवा पर्याय
किनवट, प्रतिनिधी : किनवट येथे लोकप्रिय आमदार मा. श्री. भीमरावजी केराम यांच्या शुभहस्ते ‘जिजाऊ बस’चा उद्घाटन सोहळा उत्साहपूर्ण आणि मंगलमय वातावरणात संपन्न झाला.
उद्घाटनप्रसंगी उपस्थित मान्यवर, पदाधिकारी, कार्यकर्ते तसेच नागरिकांनी ‘जिजाऊ बस’ या उपक्रमाचे उत्स्फूर्त स्वागत केले. महिलांच्या सन्मानाला प्राधान्य देत त्यांच्या सुरक्षित प्रवासासाठी करण्यात आलेला हा उपक्रम निश्चितच स्वागतार्ह व कौतुकास्पद असल्याच्या भावना उपस्थितांनी व्यक्त केल्या.
आमदार भीमरावजी केराम यांच्या नेतृत्वाखाली किनवट-माहूर मतदारसंघात विकासकामांची सातत्यपूर्ण वाटचाल सुरू असून, जनतेच्या मूलभूत गरजा आणि सर्वसामान्यांच्या सुविधांना प्राधान्य देण्याचा प्रयत्न केला जात आहे.
“महिलांचा सन्मान, विद्यार्थिनींची सुरक्षितता आणि जनतेच्या सेवेसाठी विकासाची अविरत वाटचाल” या उद्देशाने सुरू करण्यात आलेली ‘जिजाऊ बस’ सेवा महिला सक्षमीकरणाच्या दिशेने एक महत्त्वपूर्ण पाऊल ठरणार आहे
